மாற்றுத் திறனாளி சபரிநாதன் உயிரிழப்பு: சிபிஐ விசாரணை கோரி அன்புமணி ராமதாஸ் வலியுறுத்தல்

மாற்றுத் திறனாளி சபரிநாதன் உயிரிழப்பு தொடர்பான வழக்கில் சிபிஐ விசாரணை நடத்த வேண்டும் என்று பாமக தலைவர் அன்புமணி ராமதாஸ் வலியுறுத்தியுள்ளார்.

இதுகுறித்து அவர் வெளியிட்டுள்ள அறிக்கையில், “அதிமுக ஆட்சியில் சாத்தான்குளம் ஜெயராஜ் – பெனிக்ஸ், திமுக ஆட்சியில் மடப்புரம் அஜித்குமார், தற்போது தவெக ஆட்சியில் சபரிநாதன் படுகொலை என மனித உரிமை மீறல்கள் தொடர்கின்றன” என்று தெரிவித்துள்ளார்.

மேலும், இந்த வழக்கை மூடி மறைக்க முயற்சிகள் நடைபெற்றதாக குற்றம்சாட்டிய அவர், காவல்துறையினரின் விசாரணை மீது பொதுமக்களுக்கு முழு நம்பிக்கை ஏற்படாது என்றும் கூறினார்.

எனவே, சாத்தான்குளம் மற்றும் மடப்புரம் வழக்குகள் போலவே, இந்த வழக்கும் மத்திய புலனாய்வு அமைப்பான (CBI) விசாரணைக்கு மாற்றப்பட வேண்டும் என்று அவர் கோரிக்கை விடுத்துள்ளார்.

மேலும், இந்த வழக்கில் கைது செய்யப்பட்டுள்ள சிறைக் காவலர்களுக்கு வழக்கின் விசாரணை முடியும் வரை பிணை வழங்கப்படக் கூடாது என்பதையும் தமிழக அரசு உறுதி செய்ய வேண்டும் என்று அன்புமணி ராமதாஸ் வலியுறுத்தியுள்ளார்.

இந்த விவகாரம் தொடர்பாக அரசின் அடுத்தகட்ட நடவடிக்கை என்ன என்பது குறித்து அரசியல் வட்டாரங்களில் எதிர்பார்ப்பு நிலவி வருகிறது.