முன்னாள் முதல்வர் கருணாநிதியின் 103-வது பிறந்தநாள்! அன்பகத்தில் ‘மூவர் சிலைகளை’ திறந்து வைக்கிறார் மு.க.ஸ்டாலின்!

மறைந்த முன்னாள் முதலமைச்சரும், திமுக-வின் முன்னாள் தலைவருமான முத்தமிழறிஞர் கலைஞர் கருணாநிதியின் 103-வது பிறந்தநாள் விழா நாளை (ஜூன் 3, புதன்கிழமை) தமிழகம் முழுவதும் விமரிசையாகக் கொண்டாடப்பட உள்ளது.

இதனை முன்னிட்டு, சென்னை தேனாம்பேட்டையில் உள்ள அன்பகத்தில் (Anbagam) பிரம்மாண்ட ஏற்பாடுகள் செய்யப்பட்டுள்ளன. அங்கு புதிதாக அமைக்கப்பட்டுள்ள தந்தை பெரியார், பேரறிஞர் அண்ணா மற்றும் கலைஞர் கருணாநிதி ஆகியோரின் சிலைகளை திமுக தலைவர் மு.க.ஸ்டாலின் (MK Stalin) நாளை திறந்து வைக்கிறார்.

75 அடி உயரக் கம்பத்தில் பறக்கப் போகும் திமுக கொடி!

திமுக இளைஞரணி தலைமையகமான அன்பகத்தில் நாளை காலை மாபெரும் விழா நடைபெற உள்ளது. அங்கு புதிதாக நிறுவப்பட்டுள்ள 75 அடி உயர பிரம்மாண்டக் கம்பத்தில், திமுக தலைவர் மு.க.ஸ்டாலின் கழகக் கொடியை ஏற்றி வைக்கிறார்.

தமிழகத்தில் தவெக முதலமைச்சர் விஜய் மற்றும் அதிமுக பொதுச்செயலாளர் இபிஎஸ் இடையே சட்டம் – ஒழுங்கு குறித்து விவாதங்கள் ஓடிக் கொண்டிருக்கும் இதே வேளையில், திமுக-வினர் தங்களது பலத்தைக் காட்டும் வகையில் இந்த மாபெரும் பிறந்தநாள் விழா கொண்டாட்டங்களுக்குப் பலத்த ஏற்பாடுகளைச் செய்துள்ளனர்.

நாளை (ஜூன் 3) மு.க.ஸ்டாலின் பங்கேற்கும் முக்கிய நிகழ்ச்சிகளின் விபரம்:

கலைஞரின் 103-வது பிறந்தநாளை முன்னிட்டு நாளை காலை முதல் திமுக தலைவர் மு.க.ஸ்டாலின் பங்கேற்க உள்ள அதிகாரப்பூர்வ நிகழ்ச்சி நிரல் இதோ:

• காலை 8.00 மணி: சென்னை மெரினா கடற்கரையில் அமைந்துள்ள கலைஞர் கருணாநிதி நினைவிடத்திற்குச் சென்று மலர்தூவி மரியாதை செலுத்துகிறார்.
• காலை 8.15 மணி: சென்னை அண்ணாசாலை ஓமந்தூரார் அரசு வளாகத்தில் அமைந்துள்ள கருணாநிதியின் பிரம்மாண்ட சிலைக்கு மலர்மாலை அணிவிக்கிறார்.
• காலை 8.30 மணி: சென்னை கோடம்பாக்கத்தில் உள்ள முரசொலி (Murasoli) அலுவலக வளாகத்தில் அமைந்துள்ள கலைஞர் சிலைக்கு மரியாதை செலுத்துகிறார்.
• காலை 8.45 மணி: சென்னை அண்ணா அறிவாலயத்தில் (Anna Arivalayam) அமைந்துள்ள கருணாநிதியின் சிலைக்கு மலர்மாலை அணிவித்து மரியாதை செய்கிறார்.
• காலை 9.30 மணி: சென்னை தேனாம்பேட்டை அன்பகத்தில் 75 அடி உயர கம்பத்தில் கொடியேற்றி, பெரியார், அண்ணா, கலைஞர் ஆகியோரின் சிலைகளைத் திறந்து வைக்கிறார்.

தேசிய அரசியல் பரபரப்புகளுக்கு நடுவே மாநில விழா!

தமிழக பாஜக முன்னாள் தலைவர் கே. அண்ணாமலை (Annamalai) கட்சியை விட்டு விலக டெல்லி சென்று ராஜ்யசபா எம்பி பதவியை நிராகரித்துள்ள இதே மாபெரும் அரசியல் பரபரப்பான சூழ்நிலையில், இந்த பிறந்தநாள் விழா தமிழகத்தில் அரங்கேறுகிறது.

கலைஞரின் பிறந்தநாளை முன்னிட்டு தமிழகம் முழுவதும் பல்வேறு நலத்திட்ட உதவிகளை வழங்க திமுக தலைமை உத்தரவிட்டுள்ளது. தேர்தல் தோல்விக்குப் பின் திமுக தொண்டர்களை உற்சாகப்படுத்த இந்த மாபெரும் சிலைகள் திறப்பு விழா மற்றும் கொடியேற்று விழாக்கள் பெரிதும் உதவும் என்று உடன்பிறப்புகள் நம்பிக்கையுடன் தெரிவிக்கின்றனர்.