“அறநிலையத்துறையின் அனைத்து டெண்டர்களும் இனி ஆன்லைன்!” – அமைச்சர் ரமேஷ் அதிரடி அறிவிப்பு!

இந்து சமய அறநிலையத்துறையின் அனைத்து வகையான டெண்டர்களும் இனி ஆன்லைன் முறையிலேயே வெளிப்படைத்தன்மையுடன் நடைபெறும் என அமைச்சர் ரமேஷ் அறிவித்துள்ளார்.

டிஜிட்டல் பார்க்கிங் பில் மற்றும் ஆன்லைன் டெண்டர்; அமைச்சர் ரமேஷ் முக்கிய விவரங்கள்!

செய்தியாளர்கள் சந்திப்பில் அமைச்சர் ரமேஷ் தெரிவித்த முக்கியக் கருத்துகள் இதோ:

“அறநிலையத்துறையின் அனைத்து டெண்டர்களும் இனி ஆன்லைன் முறையிலேயே நடைபெறும்.

கோயில்களின் கார் பார்க்கிங் வசதிகளுக்கு இனி டிஜிட்டல் முறையில் பில் வழங்கப்படும்.

பார்க்கிங், மொட்டை போடுதல் மற்றும் கடைகள் அமைப்பது உள்ளிட்டவற்றுக்குப் பொதுவான டெண்டர் முறை கொண்டுவரப்பட்டுள்ளது.

அனைத்து டெண்டர்களுக்கும் ஜிஎஸ்டி மற்றும் பான் எண் கட்டாயமாக்கப்பட்டுள்ளது.

அனைவருக்கும் சமமான வாய்ப்பு கிடைக்க வேண்டும் என்ற நோக்கில் இந்த டெண்டர் முறை முன்னெடுக்கப்படுகிறது.

டெண்டர் சம்மந்தப்பட்ட விவகாரத்தில் அனைத்து கோயில்களுக்கும் ஒரே மாதிரியான உறுதிமொழி படிவங்கள் தமிழ் மற்றும் ஆங்கிலத்தில் கொண்டு வரப்பட்டுள்ளது.”

“பழநி விவகாரத்தில் சிபிசிஐடி விசாரணை!” – பொய்ப் பிரச்சாரங்களுக்கு அமைச்சர் ரமேஷ் விளக்கம்!

பழநி விவகாரம் மற்றும் தன் மீதான குற்றச்சாட்டுகள் குறித்து அவர் அளித்துள்ள விளக்கம் வருமாறு:

• சிபிசிஐடி விசாரணை: பழநி விவகாரம் குறித்து தீவிர விசாரணை நடத்தப்பட்டு வருகிறது; இந்த வழக்கை சிபிசிஐடி விசாரணைக்கு மாற்ற முதல்வரிடம் கோரிக்கை வைத்தேன்.
• 4 பேர் கைது: முதலமைச்சரும் வழக்கு விசாரணையைச் சிபிசிஐடிக்கு மாற்றினார்; இதில் இதுவரை 4 பேர் கைது செய்யப்பட்டுப் பாரபட்சமின்றி நடவடிக்கை எடுக்கப்பட்டு வருகிறது.
• அதிமுக குற்றச்சாட்டு மறுப்பு: அதிமுக ஐடி விங்கில் உள்ளவர்கள் என் மீது பொய் பரப்பிக் கொண்டிருக்கிறார்கள்.
• வாடகை வீட்டில் வசிப்பு: என் குடும்பத்தில் யாருக்குமே 2 கோடி ரூபாய் பணம் கிடையாது; நாங்களே வாடகை வீட்டில்தான் வசிக்கிறோம்.
• அரசியல் சதி: எனது பெயர் மற்றும் புகழைக் கெடுக்க அரசியல் காரணங்களுக்காக என் மீது குற்றச்சாட்டு வைக்கப்படுகிறது.

கோயில்களில் டிஜிட்டல் முறைகள் அறிமுகம் மற்றும் பழநி விவகாரத்தில் அமைச்சர் ரமேஷ் அளித்துள்ள இந்த விளக்கம் அரசியல் வட்டாரத்தில் கவனத்தைப் பெற்றுள்ளது.