திருவள்ளூர் மாவட்டம் கும்மிடிப்பூண்டி அருகே 3 வயது பெண் குழந்தை பாலியல் வன்கொடுமை செய்யப்பட்டு, புதரில் வீசப்பட்டு உயிரிழந்த கொடூரச் சம்பவம் தமிழகம் முழுவதும் பெரும் அதிர்ச்சியையும் சோகத்தையும் ஏற்படுத்தியுள்ளது. இச்சம்பவத்திற்குத் தனது கடுமையான கண்டனத்தைப் பதிவு செய்துள்ள எதிர்க்கட்சித் தலைவர் உதயநிதி, மாநிலத்தில் சட்டம்-ஒழுங்கு முற்றிலும் சீர்குலைந்துவிட்டதாகக் குற்றம் சாட்டியுள்ளார்.
இதுகுறித்து அவர் வெளியிட்டுள்ள அறிக்கையில், “கும்மிடிப்பூண்டி அருகே 3 வயது குழந்தையைப் பாலியல் வன்கொடுமை செய்து புதரில் வீசப்பட்டதில் அக்குழந்தை உயிரிழந்த செய்தி அறிந்து மிகுந்த அதிர்ச்சி அடைந்தேன். ஆளுங்கட்சி அடுத்த கட்சி ஆட்களை விலைக்கு வாங்கும் (Purchase செய்யும்) வேலைகளில் காட்டும் கவனத்தில், கொஞ்சமாவது மக்களின் பாதுகாப்பிலும், சட்டம்-ஒழுங்கைக் காப்பதிலும் (Protect செய்ய) முதலமைச்சர் அக்கறை காட்ட வேண்டும்” என்று மிகக் காரசாரமாக விமரிசித்துள்ளார்.
தமிழகத்தில் பெண்களுக்கும் குழந்தைகளுக்கும் பாதுகாப்பு இல்லாத சூழல் நிலவி வருவதாகக் குறிப்பிட்டுள்ள அவர், இந்த கொடூரச் செயலில் ஈடுபட்ட குற்றவாளிகள் மீது சட்டம் பாய வேண்டும் என்றும், பாதிக்கப்பட்ட குடும்பத்திற்கு உரிய நீதி கிடைக்க அரசு உடனடியாக நடவடிக்கை எடுக்க வேண்டும் என்றும் வலியுறுத்தியுள்ளார்.
