“Starting-ஏ இப்படியா?” – தவெக-வின் ‘Return Gift’ அரசியலைத் தாக்கும் மு.க.ஸ்டாலின்!
May 13, 2026
சென்னை | மே 13, 2026
சட்டமன்றத்தில் தவெக அரசு மீதான நம்பிக்கை வாக்கெடுப்பில் அதிமுக அதிருப்தி அணியினர் (எஸ்.பி.வேலுமணி தரப்பு) ஆதரவு அளித்ததைச் சுட்டிக்காட்டி மு.க.ஸ்டாலின் தனது ‘எக்ஸ்’ (X) தளத்தில் காரசாரமான கருத்தைப் பதிவிட்டுள்ளார்.
மு.க.ஸ்டாலினின் விமர்சனக் கணைகள்:
- Clean vs Dirty Politics: “Clean Politics-னு சொல்லி ஆட்சிக்கு வந்தவங்க, பதவிக்காக முதல் வேலையா Dirty Politics பண்ணிட்டிருக்காங்க. கொள்கை பேச வந்தவங்க, அதிகாரத்திற்காகக் கட்சி மாறுபவர்களுடன் கைகோர்ப்பதுதான் மக்கள் எதிர்பார்த்த மாற்றமா?”
- குழம்பிய குட்டையில் மீன்: “பிளவுபட்ட அதிமுக எனும் குழம்பிய குட்டையில் மீன் பிடிக்க முயற்சி பண்ணி, எதிர்க்கட்சி உறுப்பினர்களை விலைக்கு வாங்கியிருக்காங்க. உங்களோட Starting-ஏ இப்படி (குதிரை பேரம்) இருந்தா, Finishing எப்படி இருக்கும்?” என அவர் கேள்வி எழுப்பியுள்ளார்.
- தூக்கும் சக்தியா? “இது தமிழகத்தை மாற்ற வந்த ‘தூய சக்தியா’ அல்லது அடுத்த கட்சி MLA-க்களைத் தூக்கும் சக்தியா? தவெக-விற்கு வாக்களித்த மக்கள் இதைப் பார்த்து இன்று வருந்திப் பேசும் நிலை உருவாகிவிட்டது.”
- Return Gift: “பிளவுபட்ட அதிமுக உறுப்பினர்களுக்கு நீங்கள் என்ன ‘Return Gift’ (அமைச்சர் பதவி அல்லது பிற சலுகைகள்) கொடுக்கப் போறீங்க என்பதைத் தமிழக மக்கள் பார்த்துக் கொண்டுதான் இருக்கிறார்கள்” என அவர் எச்சரித்துள்ளார்.
அரசியல் பின்னணி:
சட்டமன்றத் தேர்தலில் 108 இடங்களைப் பெற்றுத் தனிப்பெரும் கட்சியாக தவெக உருவெடுத்தாலும், பெரும்பான்மைக்கு (118) இன்னும் சில இடங்கள் தேவைப்பட்டன. இந்தச் சூழலில், எடப்பாடி பழனிசாமிக்கு எதிராகப் பிரிந்து வந்த அதிமுக-வின் 23 எம்.எல்.ஏ-க்கள் இன்று தவெக அரசுக்கு ஆதரவாக வாக்களித்தனர். இந்த அரசியல் கூட்டணியைத்தான் “விலைக்கு வாங்கப்பட்ட வெற்றி” என மு.க.ஸ்டாலின் விமர்சிக்கிறார்.
