யுபிஎஸ்சி சிவில் சர்வீஸ் தேர்வு 2026: அதிரடி மாற்றங்கள் மற்றும் விண்ணப்பிக்கும் முறை – முழு விபரம்!

மத்திய அரசுப் பணியாளர் தேர்வாணைம் (UPSC), 2026-ஆம் ஆண்டிற்கான சிவில் சர்வீஸ் தேர்வு அறிவிப்பை பிப்ரவரி 4, 2026 அன்று வெளியிட்டது. இந்த ஆண்டு விண்ணப்ப முறையில் பல அதிரடி மாற்றங்கள் செய்யப்பட்டுள்ளன.

முக்கியமான மாற்றங்கள் மற்றும் கால அட்டவணை இதோ:

1. 2026-ஆம் ஆண்டின் முக்கிய மாற்றங்கள்:

தேர்வு முறையில் நம்பகத்தன்மையை அதிகரிக்கவும், ஆள்மாறாட்டத்தைத் தவிர்க்கவும் UPSC சில புதிய விதிகளைக் கொண்டுவந்துள்ளது:

• நேரடி புகைப்படப்பதிவு (Live Photo Capture): விண்ணப்பம் செய்யும்போது, ஏற்கனவே உள்ள புகைப்படத்தை பதிவேற்றுவதுடன், கேமரா மூலம் நேரடியாக (Live) ஒரு புகைப்படத்தையும் எடுக்க வேண்டும். இந்த இரண்டு புகைப்படங்களும் உங்கள் தற்போதைய தோற்றத்துடன் ஒத்துப்போக வேண்டும்.
• திருத்தங்களுக்கு வாய்ப்பு இல்லை (No Correction Window): இதுவே தேர்வர்களிடையே பெரும் கவலையை ஏற்படுத்தியுள்ளது. ஒருமுறை ‘சப்மிட்’ (Submit) செய்த பிறகு, விண்ணப்பத்தில் எந்த மாற்றத்தையும் செய்ய முடியாது. எனவே, விண்ணப்பிக்கும் முன் அனைத்து விவரங்களையும் பலமுறை சரிபார்க்க வேண்டும்.
• முக அடையாள அங்கீகாரம் (Face Authentication): தேர்வு மையங்களில் AI தொழில்நுட்பம் மூலம் முக அடையாளத்தைச் சரிபார்க்கும் முறை கட்டாயமாக்கப்பட்டுள்ளது. இது வெறும் 8-10 வினாடிகளில் முடிந்துவிடும்.
• பணியில் இருப்பவர்களுக்குக் கட்டுப்பாடு: ஏற்கனவே IAS அல்லது IFS அதிகாரிகளாகப் பணியாற்றுபவர்கள், மீண்டும் 2026 தேர்வை எழுத அனுமதி கிடையாது. அவர்கள் எழுத விரும்பினால் பதவியை ராஜினாமா செய்ய வேண்டும்.

2. முக்கியத் தேதிகள் (UPSC 2026 Schedule):

3. விண்ணப்பிக்கும்போது கவனிக்க வேண்டியவை:

• URN முறை: ஒருமுறை பதிவு செய்த பிறகு வழங்கப்படும் Universal Registration Number (URN) வாழ்நாள் முழுமைக்கும் பொருந்தும். ஒவ்வொரு முறை தேர்வு எழுதும்போதும் புதிதாகப் பதிவு செய்யத் தேவையில்லை.
• ஆதார் சரிபார்ப்பு: வேகமான மற்றும் துல்லியமான சரிபார்ப்பிற்கு ஆதார் அட்டையைப் பயன்படுத்துவது சிறந்தது.
• புகைப்படம்: கண்ணாடி அணிந்து புகைப்படம் எடுப்பவர்கள், தேர்வுக்கும் அதே கண்ணாடி அணிந்து வர வேண்டும். தாடி அல்லது மீசை போன்ற தோற்ற மாற்றங்கள் புகைப்படம் எடுக்கும்போது கவனமாக இருக்க வேண்டும்.