வங்கியிலேயே தூங்கும் 72,454 கோடி ரூபாய்! உரிமை கோரப்படாத நிதியை ரிசர்வ் வங்கிக்கு மாற்றியது மத்திய அரசு – முழு விபரம்!

புது தில்லி: இந்திய வங்கிகளில் சேமிப்பு, நடப்புக் கணக்குகள் அல்லது நிலை வைப்பு (FD) திட்டங்களில் போடப்பட்டு, 10 ஆண்டுகளுக்கும் மேலாக உரிமை கோரப்படாமல் உள்ள தொகைகளின் மதிப்பு சுமார் ₹72,454 கோடி எட்டியுள்ளது. இந்தத் தொகையை இந்திய ரிசர்வ் வங்கியின் (RBI) கட்டுப்பாட்டில் உள்ள “வைப்புத்தொகையாளர் கல்வி மற்றும் விழிப்புணர்வு” (DEA) நிதியத்திற்கு மாற்றியுள்ளதாக மத்திய அரசு நாடாளுமன்றத்தில் தெரிவித்துள்ளது.

அமைச்சர் வெளியிட்ட புள்ளிவிவரம்:

மாநிலங்களவையில் நிதித்துறை இணையமைச்சர் பங்கஜ் சௌத்ரி அளித்த எழுத்துப்பூர்வமான பதிலில், ஜனவரி 28, 2026 நிலவரப்படி உள்ள கணக்குகளைப் பட்டியலிட்டுள்ளார்:

பணம் யாருடையது?

ஒரு வங்கிக் கணக்கு 10 ஆண்டுகளாகச் செயல்படாமல் இருந்தாலோ அல்லது எஃப்டி முதிர்வடைந்து 10 ஆண்டுகளாகியும் யாரும் எடுக்காமல் இருந்தாலோ, அந்தப் பணம் DEA நிதியத்திற்கு மாற்றப்படும். இருப்பினும், முறையான ஆவணங்களைச் சமர்ப்பித்தால் எந்த நேரத்திலும் சம்பந்தப்பட்ட வங்கியில் இருந்து இந்தப் பணத்தைத் திரும்பப் பெறலாம் என அரசு உறுதி அளித்துள்ளது.

எளிதாகக் கண்டுபிடிக்க வழி:

மக்களின் இந்தப் பணத்தை மீட்டெடுக்க ரிசர்வ் வங்கி UDGAM (Unclaimed Deposits – Gateway to Access InforMation) என்ற பிரத்யேக இணையதளத்தைத் தொடங்கியுள்ளது. இதன் மூலம் ஒரே இடத்தில் பல வங்கிகளில் உள்ள உரிமை கோரப்படாத தொகையைத் தேட முடியும்.