பாகிஸ்தான் கிரிக்கெட் அணி, 3 போட்டிகள் கொண்ட டி20 தொடர், 3 போட்டிகள் கொண்ட ஒருநாள் தொடர் மற்றும் 2 போட்டிகள் கொண்ட டெஸ்ட் தொடரில் விளையாட தற்காலிகமாக தென்னாப்பிரிக்காவுக்கு சுற்றுப்பயணம் மேற்கொண்டுள்ளது.
பாகிஸ்தான் கிரிக்கெட் அணி 3 போட்டிகள் கொண்ட டி20 தொடர், 3 போட்டிகள் கொண்ட ஒருநாள் தொடர் மற்றும் 2 போட்டிகள் கொண்ட டெஸ்ட் தொடரில் விளையாட தற்காலிகமாக தென்னாப்பிரிக்காவுக்கு சுற்றுப்பயணம் மேற்கொண்டுள்ளது. இதில், முதலில் நடைபெற்ற டி20 தொடரில், ஹென்ரிச் கிளாசன் தலைமையிலான தென்னாப்பிரிக்க அணி, முகமது ரிஸ்வான் தலைமையிலான பாகிஸ்தான் அணியை முதல் இரண்டு போட்டிகளில் வென்று தொடரைக் கைப்பற்றியது. மூன்றாவது டி20 போட்டி மழையால் ரத்துச் செய்யப்பட்டது.
பின்னர் நடைபெற்று வரும் ஒருநாள் தொடரில், ரிஸ்வான் தலைமையிலான பாகிஸ்தான் அணி, எய்டன் மார்க்ரம் தலைமையிலான தென்னாப்பிரிக்க அணியை முதல் போட்டியில் வீழ்த்தி பதிலடி கொடுத்தது. பாகிஸ்தான் அணி அதே வேகத்தில் இரண்டாவது போட்டியிலும் வெற்றி பெற்று ஒருநாள் தொடரைக் கைப்பற்றி சாதனை படைத்துள்ளது.
இந்த போட்டியில், பாகிஸ்தான் அணி முதலில் பேட்டிங் செய்து ரிஸ்வான் (80), பாபர் அசாம் (73), கம்ரான் குலாம் (63) ஆகியோரின் சிறப்பான ஆட்டத்தால் 49.5 ஓவரில் 10 விக்கெட் இழப்புக்கு 329 ரன்கள் குவித்தது. அதையடுத்து, 330 ரன்களை நோக்கி களமிறங்கிய தென்னாப்பிரிக்க அணி, ஹென்ரிச் கிளாசனின் (97) உதவியுடன் கூட, 43.1 ஓவர்களில் 248 ரன்களுக்கு 10 விக்கெட்டுகளையும் இழந்து தோல்வியடைந்தது. பாகிஸ்தான் அணியில் ஷகீன் அப்ரிடி 4 விக்கெட்டுகள், நசீம் ஷா 3 விக்கெட்டுகள் வீழ்த்தினார்.
இந்த வெற்றியின் மூலம், 21-ஆம் நூற்றாண்டில் தென்னாப்பிரிக்காவை அதன் சொந்த மண்ணில் வீழ்த்தி, மூன்று முறை ஒருநாள் தொடரைக் கைப்பற்றிய முதல் அணி என்ற சாதனையை பாகிஸ்தான் படைத்துள்ளது. இதற்கு முன்னர் 2013 மற்றும் 2021-ல் பாகிஸ்தான் தென்னாப்பிரிக்காவில் ஒருநாள் தொடரைக் கைப்பற்றியது. மூன்றாவது ஒருநாள் போட்டியிலும் பாகிஸ்தான் வெற்றி பெற்றால், தென்னாப்பிரிக்காவை அதன் சொந்த மண்ணில் ஒருநாள் தொடரில் ஒயிட் வாஷ் செய்யும் சாதனையும் கண்டுக்கொள்ளும்.
ஒருநாள் தொடர் முடிந்ததும், ஷான் மசூத் தலைமையிலான பாகிஸ்தான் அணி, டெம்பா பவுமா தலைமையிலான தென்னாப்பிரிக்க அணியுடன் இரண்டு போட்டிகள் கொண்ட டெஸ்ட் தொடரில் விளையாடும். இந்த தொடரின் முடிவுகள், உலக டெஸ்ட் சாம்பியன்ஷிப் இறுதிப்போட்டிக்குச் செல்ல தென்னாப்பிரிக்காவுக்கு முக்கியமானவை.
