சீமான், வருண் ஐபிஎஸ் பிரிவினைவாதம் குறித்த கருத்து மற்றும் அரசின் செயல்பாடுகளை குறித்த விமர்சனம்.
நாம் தமிழர் கட்சி ஒருங்கிணைப்பாளர் சீமான், கோவையில் செய்தியாளர்களைச் சந்தித்து தனது கருத்துகளை வெளியிட்டார். அந்த பேச்சில் அவர் கூறுகையில்:
“வருண்குமார் ஐபிஎஸ், நீண்ட காலமாக கண்காணிப்பில் ஈடுபட்டுள்ளார், ஆனால் அவர் புதியதுவாக எதையும் சொல்லவில்லை. நாம் கடந்த 13 ஆண்டுகளாக தேர்தல் ஆணையத்தில் பதிவு செய்து, கட்சி நடத்தி வருகிறோம். 36 லட்சம் வாக்குகளை பெற்று, தமிழ்நாட்டின் 3வது மிகப்பெரிய கட்சியாக இருக்கின்றோம்.
.
இந்த நபர் நாட்டை ஆளுகிறாரா? அவர் எதை வைத்தே பிரிவினைவாதிகளாக நம்மை குறிப்பிடுகிறார்? அடிப்படை தகுதி இல்லாமல், அவர் எப்படி ஐபிஎஸ் ஆனார்? தமிழ் மற்றும் தமிழர் என்பது பிரிவினைவாதம் அல்ல. உன் தாய் மொழி என்ன? உண்மையான தமிழ் தாய் தந்தைக்கு பிறந்திருந்தால், இப்படி பேச மாட்டார். உனக்கு மட்டும் மனைவி, குழந்தை உள்ளதா? பேசும்போது அவசரமாக பேசாமல், நேர்மையாக பேச வேண்டும்.
அந்த மாநாட்டில் அவர் பேசியவை எப்படி வெளியே வருகிறது? இதுதான் அவரது வேலையா? என் கட்சியை குறைத்து சொல்வதற்கு ஐபிஎஸ் ஆனாரா? காக்கி உடையில் எத்தனை நாட்கள் இருக்க முடியும்? இது மட்டும் தான் முடிவாகிவிட்டது, மோதுவோம்.
நடிகர் விஜய் மக்களுக்கு உதவுவதற்காக செய்யும் முயற்சியை குறை கூற முடியாது. எப்போதும் குறை கூறுவதை நாங்கள் மன நோயாளிகளாக இல்லையென அறிய வேண்டும். சரி என்றால் சரி, தவறு என்றால் தவறு. எந்த புயல் பாதிப்பிற்கும் மத்திய அரசு உதவி செய்யவில்லை. மாநிலங்கள் வழங்கும் வரியை எடுத்துக்கொண்டு, பேரிடர் காலங்களிலும் மத்திய அரசு உதவி செய்யவில்லை. இதை கேட்கும் போதெல்லாம், ‘ஆண்டி இந்தியன்’ என்கிறார்கள்.
குஜராத், பீகார் போன்ற மாநிலங்களில் வெள்ள பாதிப்புக்கு உடனே நிதி ஒதுக்கீடு செய்யப்படுகிறது. எனக்கு தேர்தல் வெற்றி அல்லது தோல்வி என்பது முக்கியமல்ல, மண்ணும் மக்களும் தான் எனக்கு முக்கியம். அஸ்ஸாமில் மாட்டிறைச்சி தடை விதிப்பது இது ஒரு கேவலமான செயலாகும். நான் கறி எதை வேண்டுமானாலும் சாப்பிடுவேன். உணவு மற்றும் உடை என்பது எங்கள் உரிமை.”
