2026-க்கு ‘ரூட் மேப்’ போடும் திமுக! ஜோலார்பேட்டையில் 1.50 லட்சம் முகவர்களுடன் பிரம்மாண்ட மாநாடு – முதல்வர் அதிரடி உரை!
Feb 14, 2026
சட்டமன்றத் தேர்தலை எதிர்கொள்ளும் வியூகத்தின் ஒரு பகுதியாக, திமுகவின் வடக்கு மண்டல வாக்குச்சாவடி முகவர்கள் (Booth Committee Members) பயிற்சி மாநாடு இன்று திருப்பத்தூர் மாவட்டம் ஜோலார்பேட்டையை அடுத்த மண்டலவாடியில் மிகப்பிரம்மாண்டமாக நடைபெறுகிறது.
மாநாட்டின் முக்கிய அம்சங்கள்:
- 1.50 லட்சம் போர் வீரர்கள்: வடக்கு மண்டலத்திற்குட்பட்ட 15 கழக மாவட்டங்கள் மற்றும் 47 சட்டமன்றத் தொகுதிகளைச் சேர்ந்த சுமார் 1.50 லட்சம் வாக்குச்சாவடி குழு உறுப்பினர்கள் இந்த மாநாட்டில் பங்கேற்கின்றனர். BLA2, BLC, BDA, BYA என அடிமட்ட நிர்வாகிகள் அனைவரும் இதில் சங்கமிக்கின்றனர்.
- மாநாட்டின் நோக்கம்: ‘என் வாக்குச்சாவடி வெற்றி வாக்குச்சாவடி’ என்ற பரப்புரையில் ஈடுபட்ட நிர்வாகிகளுக்கு நன்றி தெரிவிப்பதோடு, எதிர்வரும் தேர்தலில் ‘ஸ்டாலின் தொடரட்டும் தமிழ்நாடு வெல்லட்டும்’ என்பதை உறுதி செய்ய அவர்களை உற்சாகப்படுத்தி முதலமைச்சர் மு.க.ஸ்டாலின் உரையாற்றுகிறார்.
- பிரம்மாண்ட ஏற்பாடுகள்: மாநாட்டிற்காக 100 ஏக்கர் பரப்பளவில் திடல் அமைக்கப்பட்டுள்ளது. சுமார் 2,500 பேருந்துகள் மற்றும் வாகனங்களை நிறுத்த 80 ஏக்கர் பரப்பளவில் பிரம்மாண்ட பார்க்கிங் வசதி செய்யப்பட்டுள்ளது.
- சாதனை விளக்கக் கையேடு: மாநாட்டில் பங்கேற்கும் அனைத்து நிர்வாகிகளுக்கும் திமுக அரசின் சாதனைகளை விளக்கும் முதலமைச்சரின் சட்டமன்ற உரைத் தொகுப்பு நூல் வழங்கப்பட உள்ளது.
வசதிகள் மற்றும் ஒருங்கிணைப்பு:
- அமைச்சர் எ.வ. வேலு இந்த மாநாட்டை முழுமையாக ஒருங்கிணைக்கிறார்.
- நிர்வாகிகளின் வசதிக்காக மருத்துவ முகாம்கள், கழிவறை வசதிகள், தீயணைப்பு மற்றும் ஆம்புலன்ஸ் வாகனங்கள் தயார் நிலையில் உள்ளன.
- திடல் முழுவதும் திமுக அரசின் திட்டங்கள் மற்றும் சாதனைகளை விளக்கும் பிரம்மாண்ட பேனர்கள் வைக்கப்பட்டுள்ளன.
