2026 மக்கள் தொகை கணக்கெடுப்பு: லிவ்-இன் ஜோடிகளும் இனி ‘தம்பதிகள்’ தான்!

இந்தியாவின் 16-வது தேசிய மக்கள் தொகை கணக்கெடுப்பு (முதல் டிஜிட்டல் சென்சஸ்) வரும் 2026-ஆம் ஆண்டு நடைபெறவுள்ளது. இதற்காகத் தயார் செய்யப்பட்டுள்ள சுய-கணக்கெடுப்பு இணையதளத்தில் (Self-enumeration portal), அடிக்கடி கேட்கப்படும் கேள்விகளுக்கான (FAQs) விளக்கங்களை அரசு வெளியிட்டுள்ளது.

முக்கிய அறிவிப்பின் சிறப்பம்சங்கள்:

• நிலையான உறவு (Stable Union): லிவ்-இன் உறவில் இருக்கும் ஒரு ஜோடி, தங்களது உறவு ‘நிலையானது’ (Stable Union) என்று கருதினால், அவர்கள் கணக்கெடுப்பின் போது ‘திருமணமான தம்பதிகளாக’ (Married Couple) பதிவு செய்யப்படுவார்கள்.
• சட்டப்பூர்வ சான்றிதழ் தேவையில்லை: இந்தத் தகவலைப் பதிவு செய்யத் திருமணச் சான்றிதழோ அல்லது வேறு எந்த சட்டப்பூர்வ ஆதாரங்களோ கேட்கப்படாது. ஜோடிகள் அளிக்கும் வாய்மொழித் தகவலின் அடிப்படையிலேயே கணக்கெடுக்கப்படும்.
• கணக்கெடுப்பின் நோக்கம்: வீடுகளின் தேவைகள், சொத்துக்கள் மற்றும் மக்களின் வாழ்க்கை முறையைத் துல்லியமாகக் கணக்கிடவே இந்த நடைமுறை பின்பற்றப்படுகிறது. குறிப்பாக நகர்ப்புறங்களில் அதிகரித்து வரும் லிவ்-இன் கலாச்சாரத்தைத் தரவுகளில் கொண்டு வர இது உதவும்.
• தலைவர் (Head of Household): குடும்பத் தலைவர் யார் என்பதைத் தீர்மானிக்கும் அதிகாரமும் அந்தந்தக் குடும்பங்களுக்கே வழங்கப்பட்டுள்ளது. அவர் ஆணா, பெண்ணா அல்லது வயதில் இளையவரா என்பது முக்கியமல்ல; குடும்ப விவகாரங்களை நிர்வகிப்பவர் யாரோ அவரே தலைவராகப் பதியப்படுவார்.

சென்சஸ் 2026 – கால அட்டவணை:

1. முதல் கட்டம் (வீடுகள் கணக்கெடுப்பு): ஏப்ரல் 1, 2026 முதல் செப்டம்பர் 2026 வரை நடைபெறும். இதில் 33 கேள்விகள் கேட்கப்படும்.
2. இரண்டாம் கட்டம் (மக்கள் தொகை): பிப்ரவரி 2027-ல் நடைபெறும்