தி.மு.க. பொதுக்குழுக்கூட்டம் மதுரை உத்தங்குடியில் நடைபெற்றது .
இப்பொதுக்குழு கூட்டத்தில், மாண்புமிகு தமிழ்நாடு முதலமைச்சரும் கழகத் தலைவருமான மு.க. ஸ்டாலின் உரையாற்றினார். அவரது உரை, எதிர்வரும் தேர்தல்களுக்கான தி.மு.க.வின் வியூகங்களை மட்டுமின்றி, கடந்த 11 ஆண்டுகளில் பா.ஜ.க. ஆட்சி , எப்பேர்ப்பட்ட தாக்கத்தை பொதுமக்களிடையே ஏற்படுத்தியிருக்கிறது என்பது குறித்து மிக துல்லியமாக உரையாற்றினார் .
“பரந்து பறக்கும் கழகக் கொடி”
ஸ்டாலின் தனது உரையில், “நம்முடைய கொடி எங்கெல்லாம் பறக்கிறது என்பதைக் காண என் கண்கள் நாடும்” எனத் தொடங்கி, தமிழ்நாட்டில் தி.மு.க.வின் ஊடுருவலையும், பொதுமக்கள் மத்தியில் உள்ள ஆதரவும் நம்பிக்கையுடன் குறிப்பிட்டார். “பெரியார், அண்ணா, கலைஞர் என மூத்த தலைவர்களின் வழி காட்டுதலோடும், கருப்பு-சிவப்பு கொடி, உதயசூரிய சின்னமும் தான் நம்மை வழிநடத்தும்” என்றார்.
எழுதப்போகும் வெற்றிக் கதைகள்
அடுத்த ஆண்டு தி.மு.க. ஆட்சி ஏழாவது முறையாக அமைந்து, “திராவிட மாடல் ஆட்சி தொடர்கிறது” என்பதே தலைப்புச் செய்தி ஆக வேண்டும் என வலியுறுத்தினார். இந்த வெற்றிக்கான வியூகத்தைக் கட்டமைக்கத்தான் இக்கூட்டம் நடைபெறுவதாக தெரிவித்தார்.
பா.ஜ.க.வை கடுமையாக விமர்சித்தார்
மத்திய பா.ஜ.க. அரசின் சாசன மீறல்களும், மாநில அதிகாரங்களை இழுக்க முயலும் ஒற்றைமய அரசியல் முயற்சிகளும் பற்றி விமர்சித்த ஸ்டாலின், “எந்த ஷா வந்தாலும் தமிழ்நாட்டை ஆள முடியாது” என்றார்.
அ.தி.மு.க. – பா.ஜ.க. கூட்டணிக்கு முற்றுப்புள்ளி
பழனிசாமி மீது விமர்சனங்கள் கூறிய ஸ்டாலின். “அ.தி.மு.க. இன்று பா.ஜ.க.வின் கட்டுப்பாட்டில்தான் உள்ளது” என்றும், “மக்களுக்குத் தேவை உள்ள திட்டங்கள் செய்வதே நமது கடமை” என்றும் கூறினார்.
நம்பிக்கையின் வழிகாட்டி
தொண்டர்களின் பணி, உறுதி மற்றும் ஒற்றுமையின்மீது வைத்துள்ள நம்பிக்கையையும், அவர்களுக்காக புதிய நலத்திட்டங்களை அறிவித்ததையும் ஸ்டாலின் கூறினார். “தொண்டர்களின் மரணத்திற்கு பின், குடும்பத்துக்கு ரூ.10 லட்சம் நிவாரண நிதி” திட்டத்தை அறிமுகப்படுத்தினார்.
இணைந்த இயக்கம் – நிலையான வெற்றி
இளைஞர்களுக்கு இடம் கொடுத்து, இயக்கத்தில் புது ரத்தத்தை சேர்க்க வேண்டும் என வலியுறுத்தினார். ஜூன் முதல் வாரத்தில் இருந்து, தொகுதி வாரியாக நிர்வாகிகளை சந்திக்கவிருப்பதாகவும் தெரிவித்தார்.
தீர்மானம் உறுதி – போராட்டம் தொடரும்
“திராவிட முன்னேற்றக் கழகம் இருக்கும் வரை, ஸ்டாலின் இருக்கும் வரை, தமிழ்நாடு ஒருபோதும் வீழாது. தமிழ்நாடு போராடும், தமிழ்நாடு வெல்லும்” என்ற வார்த்தைகளுடன் உரையை முடித்தார்.
இக்கூட்டம், தி.மு.க.வின் எதிர்கால அரசியல் பயணத்துக்கான தூணாகும் வகையில் அமைந்துள்ளது.
