எரிபொருள் சிக்கனம்: டெல்லி அரசு ஊழியர்களுக்கு வாரம் 2 நாள் ‘Work From Home’ – முதல்வர் ரேகா குப்தா அதிரடி!
May 14, 2026
புது டெல்லி | மே 14, 2026
மத்திய கிழக்கு நாடுகளில் நிலவும் போர்ச் சூழலால் ஏற்பட்டுள்ள பொருளாதார நெருக்கடியைச் சமாளிக்க, டெல்லி அரசு (பாஜக ஆட்சி) பல்வேறு கட்டுப்பாடுகளை விதித்துள்ளது.
1. அரசு ஊழியர்களுக்கான புதிய விதிகள்:
- வீட்டிலிருந்தே பணி: அரசு ஊழியர்கள் இனி வாரத்திற்கு 2 நாட்கள் கட்டாயம் வீட்டிலிருந்தே பணிபுரிய வேண்டும் (Work From Home).
- ஆன்லைன் கூட்டங்கள்: அரசுத் துறை ஆலோசனைக் கூட்டங்களில் 50% கூட்டங்கள் இனி ஆன்லைன் (Video Conference) மூலமாகவே நடத்தப்பட வேண்டும்.
- பெட்ரோல் உச்சவரம்பு: உயர் அதிகாரிகளுக்கு வழங்கப்படும் மாதாந்திர பெட்ரோல் அளவு 20% குறைக்கப்பட்டுள்ளது. இனி மாதத்திற்கு அதிகபட்சம் 200 லிட்டர் மட்டுமே வழங்கப்படும்.
2. போக்குவரத்து மாற்றங்கள்:
- மெட்ரோ மண்டே (Metro Monday): வாரத்தில் ஒருநாள் (திங்கட்கிழமை) அனைவரும் மெட்ரோ போன்ற பொதுப் போக்குவரத்தைப் பயன்படுத்த ஊக்குவிக்கப்படுவார்கள்.
- நோ கார் டே (No Car Day): வாரத்தில் ஒரு நாள் மக்கள் கார் பயன்படுத்துவதைத் தவிர்க்க வேண்டும்.
- சிறப்புப் பேருந்துகள்: அரசு ஊழியர்கள் பொதுப் போக்குவரத்தைப் பயன்படுத்த வசதியாக, 29 அரசு குடியிருப்புகளில் இருந்து 58 சிறப்புப் பேருந்துகள் இயக்கப்படும்.
3. சிக்கன நடவடிக்கைகள்:
- புதிய வாகனங்கள் தடை: அடுத்த 6 மாதங்களுக்கு டெல்லி அரசு எந்தவிதமான புதிய வாகனங்களையும் கொள்முதல் செய்யாது.
- பணி நேர மாற்றம்: போக்குவரத்து நெரிசலைக் குறைக்கவும், அதன் மூலம் வீணாகும் எரிபொருளைச் சேமிக்கவும் டெல்லி மாநகராட்சி ஊழியர்களின் பணி நேரங்கள் மாற்றியமைக்கப்பட உள்ளன.
பின்னணி:
அமெரிக்கா – இஸ்ரேல் மற்றும் ஈரான் இடையிலான போர் காரணமாகச் சர்வதேசச் சந்தையில் கச்சா எண்ணெய் விநியோகம் பாதிக்கப்பட்டுள்ளது. இதனால் இந்தியாவின் அந்நியச் செலாவணி கையிருப்பைச் சேமிக்க, எரிபொருள் மற்றும் சமையல் எண்ணெய் பயன்பாட்டைக் குறைக்குமாறு பிரதமர் மோடி அண்மையில் வேண்டுகோள் விடுத்திருந்தார். அதன் தொடர்ச்சியாகவே டெல்லி அரசு இந்த நடவடிக்கைகளை எடுத்துள்ளது.
