5 தலைநகரங்கள் முதல் 462 பக்க அறிக்கை வரை: நாம் தமிழர் கட்சியின் தேர்தல் வாக்குறுதிகள்!
Mar 19, 2026
சென்னை | மார்ச் 19, 2026: “வெல்வோம் தமிழராய்!” என்ற முழக்கத்துடன் 2026 சட்டமன்றத் தேர்தலைச் சந்திக்கத் தயாராகி வரும் நாம் தமிழர் கட்சி, தனது தேர்தல் அறிக்கையை வெளியிட்டுள்ளது. 49 தலைப்புகளில் விரிவாகத் தயாரிக்கப்பட்டுள்ள இந்த அறிக்கையில் இடம்பெற்றுள்ள அதிரடி அறிவிப்புகள் வருமாறு:
1. நிர்வாகப் பரவலாக்கல்: 5 தலைநகரங்கள்
தமிழகத்தின் நிர்வாகத்தைச் சீரமைக்க ஒரே தலைநகரம் என்ற நிலையை மாற்றி, மண்டல வாரியாக 5 தலைநகரங்களைச் சீமான் அறிவித்துள்ளார்:
- சென்னை, திருச்சி, மதுரை, கோவை, கன்னியாகுமரி ஆகிய ஐந்து நகரங்களும் முதன்மை நிர்வாக மையங்களாகச் செயல்படும்.
2. வேளாண்மை மற்றும் நீர் மேலாண்மை
- விவசாயிகள் ஓய்வூதியம்: 60 வயதிற்கு மேற்பட்ட விவசாயிகளுக்கு அரசு சார்பில் முறையான ஓய்வூதியம் வழங்கப்படும்.
- குளிர்பான ஆலைகளுக்குத் தடை: நிலத்தடி நீர் மற்றும் ஆற்றுநீரைப் பயன்படுத்தும் பன்னாட்டு குளிர்பான ஆலைகளுக்குத் தடை விதிக்கப்படும்.
- இலவச குடிநீர்: குடிநீர் விற்பனை முற்றிலுமாகத் தடுக்கப்பட்டு, அனைவருக்கும் தரமான குடிநீர் விலையில்லாமல் வழங்கப்படும்.
3. கல்வி மற்றும் வேலைவாய்ப்பு
- கல்விக் கடன் ரத்து: மாணவர்களின் கல்விக் கடன் சுமை முற்றிலும் ரத்து செய்யப்படும்.
- தமிழ் வழி மருத்துவம்: ஆங்கில மருத்துவம் (MBBS) முழுமையாகத் தமிழ் வழியில் பயிற்றுவிக்கப்படும்.
- தமிழர்களுக்கே முன்னுரிமை: அரசு மற்றும் தனியார் வேலைவாய்ப்புகளில் தமிழர்களுக்கே முன்னுரிமை கிடைக்கும் வகையில் இடஒதுக்கீடு சட்டத்தில் மாற்றம் கொண்டு வரப்படும்.
4. சமூக மாற்றம் மற்றும் கலாச்சாரம்
- மதுவிலக்கு: ஓராண்டிற்குள் படிப்படியாக அனைத்து மதுக்கடைகளும் மூடப்பட்டு, முழுமையான மதுவிலக்கு அமல்படுத்தப்படும்.
- புதிய தமிழ்த்தாய் வாழ்த்து: பாரதிதாசனின் “வாழ்வினில் செம்மையைச் செய்பவள் நீயே…” என்ற பாடலே தமிழகத்தின் அதிகாரப்பூர்வ தமிழ்த்தாய் வாழ்த்தாக மாற்றப்படும்.
