துபாய்: திரையில் மட்டுமல்லாமல் நிஜ வாழ்விலும் கார் பந்தய வீரராக ஜொலித்து வரும் நடிகர் அஜித் குமார், தற்போது துபாயில் தீவிர பயிற்சியில் ஈடுபட்டு வருகிறார். அங்கு வந்த சில ரசிகர்களின் எல்லை மீறிய செயலால், அஜித் அவர்கள் முன் வேதனையுடன் பேசிய வீடியோ இணையத்தில் தீயாய் பரவி வருகிறது.
நடந்தது என்ன? ‘அஜித் குமார் ரேஸிங்’ (Ajith Kumar Racing) அணியின் சார்பில் சர்வதேச கார் பந்தயங்களில் பங்கேற்று வரும் அஜித், தற்போது துபாயில் பயிற்சியில் உள்ளார். அவரைக்காண தினமும் ஆயிரக்கணக்கான ரசிகர்கள் திரண்டு வருகின்றனர். எப்போதும் ரசிகர்களை இன்முகத்துடன் சந்திக்கும் அஜித், கடந்த ஞாயிற்றுக்கிழமை நடந்த ஒரு கசப்பான சம்பவத்தால் அப்செட் ஆனார்.
ரசிகர்களின் பொறுப்பற்ற செயல்: பயிற்சி நடக்கும் பகுதிக்கு வந்த சில ரசிகர்கள், அங்கு நிறுத்தப்பட்டிருந்த மிக விலை உயர்ந்த பந்தய கார்களின் மீது ஏறி அமர்ந்து புகைப்படம் எடுத்துள்ளனர். மேலும், மதுபோதையில் இருந்த சில நபர்கள் கத்தி கூச்சலிட்டு, பிற நாட்டு பந்தய வீரர்களின் கார்களை சூழ்ந்து இடையூறு செய்துள்ளனர்.
அஜித்தின் உருக்கமான வேண்டுகோள்: இதைக் கண்டு அதிர்ச்சியடைந்த அஜித், அந்த ரசிகர்களிடம் நேரடியாகச் சென்று அறிவுரை வழங்கினார். அப்போது அவர் பேசியதாவது:
“தயவு செய்து பொறுப்பாக நடந்து கொள்ளுங்கள். இது திரையரங்கம் கிடையாது, பந்தய மைதானம். இங்கு வரும் மற்ற வெளிநாட்டு வீரர்களுக்கு முன்னால் நம்ம மானமே போகுது. ஒழுக்கத்தைக் கடைப்பிடியுங்கள்.”
என்று தனது ஆதங்கத்தை வெளிப்படுத்தினார்.
