சென்னை, கிழக்கு கடற்கரை சாலையில் உள்ள நடிகர் விஜய்யின் பங்களாவிற்குள் அத்துமீறி நுழைந்த இளைஞர் ஒருவர், மொட்டை மாடியில் பதுங்கியிருந்த நிலையில் பாதுகாவலர்களால் பிடிபட்டார். விசாரணையில், அவர் மனநலம் பாதிக்கப்பட்டவர் எனத் தெரியவந்ததையடுத்து, அவர் மனநல காப்பகத்தில் சேர்க்கப்பட்டார்.
பரபரப்பு சம்பவம்
நேற்று முன்தினம் மாலை, நீலாங்கரையில் உள்ள நடிகர் விஜய்யின் வீட்டிற்குள் திடீரென ஒரு இளைஞர் நுழைந்தார். பாதுகாவலர்களின் கண்ணில் படாமல் வீட்டிற்குள் நுழைந்த அவர், உடனடியாக மொட்டை மாடிக்குச் சென்று மறைந்துக் கொண்டார். சில நிமிடங்களுக்குப் பிறகு, வீட்டிற்குள் ஒரு அந்நபர் நுழைந்ததை அறிந்த பாதுகாவலர்கள் அவரைத் தேடினர். தீவிர தேடுதலுக்குப் பின், அவர் மொட்டை மாடியில் பதுங்கியிருப்பதை கண்டுபிடித்து மடக்கிப் பிடித்தனர்.
விசாரணையில் அதிர்ச்சி தகவல்
பிடிபட்ட இளைஞர் மதுராந்தகத்தைச் சேர்ந்த அருண் (24) எனத் தெரியவந்தது. அவரிடம் நடத்தப்பட்ட முதற்கட்ட விசாரணையில், கடந்த நான்கு ஆண்டுகளாகவே அவர் மனநல பாதிப்பால் பாதிக்கப்பட்டு வருவது தெரியவந்தது. இதனால், போலீசார் அவரை கைது செய்யாமல், மேல் சிகிச்சைக்காக மனநல காப்பகத்தில் சேர்த்தனர்.
இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது. நடிகரின் வீட்டிற்குள் அத்துமீறி நுழைந்தது பெரும் அதிர்ச்சியை ஏற்படுத்தினாலும், அந்த இளைஞரின் மனநிலை குறித்து அறிந்ததும் ரசிகர்கள் மற்றும் பொதுமக்கள் மத்தியில் வருத்தம் கலந்த அனுதாபம் ஏற்பட்டுள்ளது.
